BOM
Bill of materials
هي قائمة المكونات الخاصة بمنتج معين
يعني القايمة دي اللي بتقول لنا المنتج ده مكون من ايه تحديدا ..
فبنفك المنتج لأجزاء ونشوف كل جزء عدده كام جوا المنتج ده
تعالوا ناخد مثال بسيط تربيزة بأربع رجول
لو فكينا التربيزة دي هتلاقيه بتتكون من القورسة وأربع رجول ومسامير وصواميل تربط القورسة دي بالرجول
هي دي بقي ال
BOM
طبعا ال BOM رغم بساطتها لكنها مهمة جدا للشركات
لأن الشركات بتسخدمها لو هنعمل أي تغير أو تحسين في المنتج فلازم نعرف بيتكون بلإيه وهنغير أنهي مكون تحديدا علشان كده بتهم قسم ال engineering والقسم ال R&D
والشركات بتستخدم ال BOM علشان تحسب تكاليف المنتج ده أد ايه لأن طبعا تكليف مكونات المنتج بيتحسب منها تكاليف المنتج النهائي
فبالتالي قسم ال Finance بيتخدمها في ال costing
أما بقي قسم ال Supplychain فبيستخدمها علشان يحسب خطة المكونات أو ال MRP اللي هينفذها علشان يقدر يحقق خطة المنتجات النهائية خطة ال MPS
وكمان علشان لو فيه أي عجز في أي مكون أو اي خامة يعرف ده هيسمع عنده في عجز في أي منتج نهائي
يعني مثلا لو احنا مصنع تلاجات وفي صامولة معينة حصل فيها مشكلة معنية عند مورد والكمية الموجوده مش هتكفي جميع المنتجات
اقدر ادخل علي الERP بتاع الشركة وأقول ان ده هيأثر لي على التلاجات ال 12 قدم والتلاجة ال 14 قدم لكن مش هيأثر على التلاجة ال18 قدم لأن الصامولة دي مش من ضمن ال BOM للتلاجة ال 18 قدم
#supplychain#supplychainmanagement#scm#BOM#cpim