landed cost
هي التكاليف الكلية للبضاعة المشحونة لحد ما تصل إلي وجهتها
بشكل بسيط يعني كل التكاليف اللي هتدفع لحد ما الحاجات اللي انت بتشحنها توصل لغاية عندك
فلما بنجيب سيرة ال landed cost عادة بيكون علي حاجات هنجيبها من برة البلد اللي احنا فيها
فبتشمل سعر الحاجة نفسها اللي انت مستوردها “سعر البضاعة” سواء بقي خامات أو مكونات أو منتجات نهائية
وتشمل برضو مصاريف الجمارك والضريب وشركات التأمين على المخاطر اللي ممكن تتعرضلها البضاعة دي أثناء النقل أو الشحن
مش كده وبس
لو فيه مصاريف تانية زي التخزين في المينا أو تغير العملة من البلد المصدر للبلد المستورد او ال handling اللي بيتم على البضاعة كل ده بنخده في اعتبارنا لما نحسب ال landed cost
علشان كده احنا في ال
Supplychain
مش بنهتم فقط بسعر الخامات أو المكونات أو حتي المنتجات النهائية اللي بنستودها ولكن بنهتم كمان بال landed cost يعني سعر البضاعة لحد ما توصل عندي هيبقي بكام
لكن كمان لو احنا بنصدر فنهتم جدا اننا نحسبها علشان نعرف ان المنتج بتاعنا لما نصدره للخارج هيكون سعره كام هناك في السوق اللي أنا بستهدفه
وساعتها ممكن نقول تعريف ال
Landed cost بطريقة مختلفة
total cost of a product on its journey from the factory floor to your buyer’s door
وطبعا التكلفة بتاعتي دي حاجة هتفرق جدا معايا في التنافسية في الدولة اللي بصدر لها وهتفرق معايا كمان في الربحية بتعتي