الخبره مهمه جدا!
الخبره بتفرق جدا!
إنك تتعلم حاجه في دوره تدريبيه أو من خلال قراءات لكتب ومقالات أو إنك تعمل بحث جاد عن الموضوع ،،،،فكل الحاجات دي بتفيدك جدا وبتختصر لك وقت كبير جدا وبتلخص لك خبرات ناس كتير قبلك مروا بتجارب متشابهه أو مختلفه
لكن يبقي إنك تجرب وتختبر الحاجات دي بنفسك ،،، حاجه تانيه خاااالص
ومع الوقت هتلاقي تراكم الخبرات ده بيفرق في شخصيتك ،،،، في تصرفاتك ،،، في قراراتك
ثقل الخبره العمليه أكبر بكتير من ثقل الخبرات النظريه
والخبره مالهاش علاقه بالسن علي فكره
ياما ناس سنها صغير واجتهدت وخاضت تجارب كتير مختلفه خليتهم يكسبوا خبرات غنيه جدا
وياما ناس سنها كبير خبرتها كله عباره عن سنه أو سنتين بس متكررين
لكن ده ما يمنعش إنك لو لقيت حد كبير في السن ومر بخبرات كتيره ،،،فبيكون ساعتها حاجه قويه جدا
وفي رحلتك المهنيه أحرص علي الخبره العمليه زي ما تحرص إنك تتعلم من الدورات التدريبيه والكتب والأبحاث
أحرص إنك تسأل أهل الخبره أكبر منك سنا أو أصغر
وأحرص إنك تكتسب خبرات مع الوقت ما تكررش سنين وخلاص
أعرف آكتر
تابعني علي atefabdelfatah.com/blog