نصائح للمبتدأين في كتابة المحتوى
كتير من اللي عندهم معلومات بيكون عندهم قلق من الكتابة خصوصا في الطريقة أو الاسلوب اللي هيكتبوا بيها أو هل الأفضل انهم يسجلوا فديوهات ولا الأحسن انهم يكتبوا في موقع معين
في البداية علشان تكتب الموضوع مش محتاج منك غير وقة وقلم
أو انك تفتح ملف وورد مثلا وتكتب في اللي انت عاوز تكتبه
بدون ترتيب
بدون تحسين في الكلمات
اكتب اكتب اكتب
بعد كده
اقرأ اللي انت كتبته كله
وحاول تحسن في الاسلوب
تعدل الاخطاء الاملائيه
ولو بتكتب العربية الفصحى
عدل النحو
ولو بتكب بالانجليزي مثلا
اظبط القواعد
Grammar
ورتب الكلام وراجع البوست كله لحد ما تلاقي الموضوع بقي تمام
وخليك بسيط في الأول بلاش تدور على الكمال
خصوصا في البدايات لأن الموضوع فعلا بيتطور معاك مع الوقت
فعلشان كده أكتر نصيحة
هي الاستمرار في الكتابة والنشر لأن مهاراتك في الكتابة هتتطور مع الوقت
ومع ردورالمتابعينوتفاعلهم معاك ومع تزايد حماسك في الكتابة واحساسة بقيمة اللي بتعمله
هتلاقي نفسك بتستمر وبتطور
والجميل انك هتلاقي مع الوقت حد يشجعك ويقولك كمل انا متبعك
أو حد من اللي بيكتبوا معاك يتواصل معاك ويقولك كمل
وفجأة تلاقي نفسك اتدبست وبتكتب وبتكمل وهتنبسط جدا بالمجتمع الجديد اللي بقي موجود حوليك من مقدمي محتوى ومتابعين من بلدك ومن بره بلدك
تجربتي الشخصة مع الكتابة إنك كنت برتجل واكتب على طول من غير محضر كويس
ولكن مع الوقت بقيت أكتب في ملف وورد الأول وارجع المعلومات على النت واعدل في الملف تاني
لحد ماوصل للشكل اللي هنشر بيه
وموضوع الكتابة ده مهم برضو لو انت هتدقم محتوى في شكل فديو
لأنه هيسهل عليك جدا استرجاع المعلومات امام الكاميرا
وتقدر تستخدم المحتوى المكتوب كا
subtitles
للفديو بتاعك
وتقدر تنشره كمحتوى مكتوب مع الفديو بتاعك فيحسن من وصولك لعدد أكبر من الجمهور
ويحسن نتايج البحث عنك في الانترنت عموما وجوجل طبعا
وده اللي بيسموه
SEO
خلينا نتفق ان الموضوع مش سهل في البداية خالص وهيستهلك منك وقت كبيرلكن مع الوقت هتتعود ومهاراتك هتتحسن وسرعتك هتزيد
وهتلاقي نفسك بتدور على ناس بتتكلم عن كتابة المحتوى على الانترنت وممكن كمان تاخد كورسات في الموضوع
الموضوع على فكره فعلا كبير
والكتابة ليها أنواع كتير
من أول كتابة البوست العادي
لحد كتابة البوست اللي بيبيع منتج أو خدمة معين
ممكن تعمل بحث على النترنت
copywriting
content creator
content marketing
content strategy
ابدأ وربنا يوفقك
للتواصل معي
Contact