In Italy No في إيطاليا مفيش ترجيع

التفاوض في السفر

In Italy No في إيطاليا مفيش ترجيع

In Italy 🇮🇹 No 😄

هحيكلم موقف حصل ليا أنا وواحد صحبي لما كنا بنشتري شويه حاجات من روما – إيطاليا

بعد ما اشترينا اللي عاوزينه وكان من ضمن الحاجات “ازازه برفيوم” وحاسبنا عادي ومشينا من المحل

بعد كام خطوه افتكرنا اننا مش هينفع نطلع بيها الطياره لأننا لسه هناخد طياران داخلي في أوربا وهنرجع باريس الاول
واحنا معانا اصلا كل واحد ازازه برفيوم ١٠٠ مللي(وده الحد الأقصى للفرد علي الطياره في شنطه الكابينه) والتذكرة اللي حاجزنها كانت من غير شنط .. يعني شنطه الكابينه بس

المهم رجعنا للمحل ومعانا الريسيت وعاوزين نرجع البرفيوم عادي

الراجل قالنا لأ مفيش ترجيع 😎
ممكن تاخدوا بقيمتها اي حاجه من المحل لكن ترجيع لأ

فبنقوله ليه مفيش ترجيع يعني؟
قلنا in Italy No
ومش عندنا في المحل بس لأ دي حاجه كده زي القوانين .. في إيطاليا كلها مفيش ترجيع!

قلنا له طيب ممكن نكلم المدير … قالك أنا المدير 🧐

المهم راح صحبي طلع الموبيل وعمل بحث علي جوجل
Return / Refund Policy in Europe

وطلع للراجل صفحه بتقول انه بيقول اي كلام .. ومن حقنا نرجع الحاجه عادي

الراجل شاف الكلام قال لازم اكلم الاداره .. قلنا له مفيش مشكله خالص

كلمهم في التليفون .. قالوله اديهم الفلوس
وخدنا الفلوس الحمدلله
.. والموقف
ده بصراحه خبره ان ماتخليش خد بره يضحك عليك بكلمتين .. انت تقدر تاخد حقك لو دورت عليه

ومن ساعتها كل ما اقبل صحبي هنا في مصر أقوله
Tarek Abdelmonem Youssef
In Italy Nooooo 😂
#truestory#negotiation#travel#europe

Leave a Reply

%d bloggers like this: