تنظيم الوقت .. مهارة العمر

ادارة الوقت …. من أهم المهارات اللي اتعلمتها ولازلت بتعلمها وهفضل اتعلمها طول العمر …

النقط دي ملخص بعض اللي اتعلمته

• أهم من ادارة الوقت .. ان يكون عندك هدف أو حاجة فعلا شغلاك عاوز تنجزها أو مهمة تخلصها أو تحققها .. لان بوجد الحاجة دي هتلاقي نفسك بتتصرف وبتوجد الوقت اللي هتنجز فيه
• أكتب .. أكتب .. أكتب
  في ورقة.. في note book .. علي الموبيل أو التابلت أو الكمبيوتر
  عود نفسك انك تكتب الحاجات اللي عليك أو المهام اللي المفروض تنجزها ..ده هيفيدك جدا انك تنظم وقتك .. حتي لو مرجعتش بعد كده تبص في اللي انت كتابته ! مجرد الكتابة فعلا هيساعدك
• خصص وقت أو ما يسمي book time
  في زحمة الحياة هتلاقي نفسك مش عارف تعمل حاجات تانية مهمة علشان انت مش مخصص لها وقت .. فالحل السحري انك تحجز الوقت ده
  مثلا تيجي اول الاسبوع تقول أنا يوم الثلاثاء هقعد ساعة أقر فيها .. من الساعه ٨ م ل ٩ م
  ويفضل كمان انك تحجزها علي ال calendar بتاعتك … ويا سلام لو تقدر تعمل الكلام ده علي مستوي الشهر أو السنة كمان

-اقرأ عن تنظيم الوقت والاستفادة بالوقت باستمرار .. مقالات كتب .. وشوف فديوهات لناس بتتكلم عن الوضوع علشان تحفز نفسك باستمرار

من أكتر الحاجات اللي بتحفزني ان اليوم هو هو لكل الناس ٢٤ ساعة … ومع ذلك في ناس بتنجز حاجات كتير وتحقق نجاحات عابرة للقارات … وناس تانية للأسف مش بيقدر يتحرك خطوة لقدام ويومه بيتكرر كل يوم

timemanagement #timemanagementtips #time

#inspiration